جيت ابي اكتب دموعي سالت على الورق
اكتب عن الي حبتني وكنت اصدها
اكتب عن الي راحت و قلبها مني انسرق
خاب ضني كنت اضن انها بالفعل حبتني ومستحيل بيوم نفترق
كيف كيف قلبي تجرء انه يدخل عالم الحب مرتين
كيف كيف ارضى بجرح قلب مرتين
حاولت افتح صفحه جديد بعالم الحب لاكني تأخرت
حاولت تحبني وقلبي جريح من اول تجربت حب
اصبرت علي وايد وكنت قاسي معاها كنت اصدها بكل الطرق
كانت متيمه فيني وتعشقني وتحبني بجنون
لاكني مع الاسف كنت مجروح وكنت اعتبرها مثل الي خانتيني
ماكنت متوقع انه قلبي بيلين لها بيوم ويحبها
كانت ماتقدر على فرقاي بيوم وكل ما اكلمها تغرقني بكلام الحب المعسول
لاكني غبي واغبى من الغبي
تدرون ليش لانه البنت مني ملت وازهقت
تكسر قلبها من كثر ما اصدها وتحطمت
وانا ما كنت متوقع انها بتمل مني بيوم ابد
وغابت عني شهر لانها سافرت
وهذي السفره خلتها تتعود على فرقاي
وبديت احس بغيابها والشوق بدى يغزوني
ولمه ارجعت من بعد الشهر تغيرت علي
اختفى كلام الحب والغزل والغرام
وصار كلامها بنعم وشكرا وعفوا وانا تغيرت وقلبي مو لعبه
هذي مشكلتي اني حبيتها متأخر يوم حبيتها بالوقت الي اهيه عافتني فيه
ياما قالولي الي تحبهم بيجي يوم وراح تفقدهم
وانا ارد مستحيل الي بينا شي كبير
المهم كتبت وعن حزني شكيت
ولا مره شي هزني الا حبها حطمني
دموعي تنزل وانا اكتب واحس بألم الفراق وشريط الذكريات
ياليت ارجع يوم وره يعني قبل ماتعرفنه
يوم قالت ممكن نتعرف ياليتني رديتها
بس هالشي مابيصير ومافي امل ينعاد
قولولي شذنب قلبي انه حبها وحس فيها
قولولي شذنب قلبي انه اختارها ويبيها
قولولي شذنب قلبي يوم انها بتتركني
قولولي قلبها شلون طاوعها انها تخليني
اطعنتني وسط قلبي وانا كنت حاسبها دواي
لاكن للأسف خلت قلبي ينزف دم
خلتني اندم على الي فات واطالع وراي
ما كنت ادري انها بيوم بتتركني
حسيت بالفراق من طريقة اسلوبها بالكلام
ودموعي مثل المطر على خدي انزلت
كانت بالنسبه لي كل شي فهالدنيا
الماضي صرت ماجوفه وايامنا الحلوه اختفت
يوم اقولها انا احبها ردها كان انا اكثر
الحين كل شي وضح وعرفنه من يحب
شسوي الحين بنفسي اتم متحطم ولا انتحر
ولا اتم ألوم نفسي وعلى حالي اتم منقهر
احزاني دوم تزيد وعمرها مابتروح
ماني ناقص وجع قلب وماني ناقص زياده جروح
من بعدها عالم الحب بتركه للأبد
مستحيل قلبي يعشق من يديد
الحب ماعاد موجود بهذا الزمان
ممكن انك تحب وتنجرح
لاكن الاصعب من الجرح الفراق انك تحب شخص وتهواه ويتغير عليك
انا غلطت اني فتحت قلبي للحب من جديد
لاني جرحت قلبي ومن الصعب بلاقي له علاج
شريط الذكريات الحلوه والمره صارت ملاحقتني مثل ضلي
اقعد مع نفسي واسرح بكل لحظه مرت علي معاها
احس بالفرح والوناسه لمه اتذكرها
لاكن مع الاسف ارجع للامر الواقع وقلبي يتحطم واحس بنار تغلي من داخلي بسبب فراقها
اعيوني قامت ماتعرف النوم الا بالحسرات
مخدتي انقعت من دموعي ليلل ونهار ابجي على نفسي واتم منقهر
من سهل انك تحب شخص لاكن من الصعب انك تحافظ عليه
الحب مثل وردة الجوري بسرعه يموت
لازم تحافظ عليه وتداريه الحب معانيه كبيره
لاكن بهزمن كلمة احبك صارت كلمه عاديه وكل من يستخدمها
قلوب الشباب والبنات بدت تحب اكثر من شخص بنفس الوقت
وارد عليهم واقول الحب يكون لشخص واحد مستحيل ينقسم بيوم حق شخصين
آآه آآه على حظي الردي وينك عنها يوم كانت تحبك وتعشقك
بتم دوم اتحسر واتحطم عليها وبتكون شبح منامي
والله اني احبها واحبها بجنون لاكن مع الاسف القدر اختار كل واحد منه يكون بطريج
مهما صار بينه من حب وعشق وغرام في سبب من الاسباب يمنعنه انكون مع بعض لنهاية العمر
اهيه من ش وانا س وابوها مستحيل يخليها تكمل حياتها مع واحد من س
عندي نصيحه لكم لاتحبون شخص اصغر منكم بوايد
ولاتحبون شخص من غير ملتكم لانه يمكن يكون سبب في فراقكم